الخرطوم : الرائد نت
كتب القيادي بتيار المستقبل (وهو حزب سياسي حديث ولد إبان ثورة ديسمبر المجيدة) أ.معمر موسى على صفحته الرسمية بتطبيق فيسبوك عن ظاهرة 9 طويلة قائلا :
شايف في وعي برجوازي مديني تافه مسيطر على فهمنا لظاهرة القلع والنهب الانتشرت مؤخراً في شوارع الخرطوم ، اغلب الأراء بتقول انو ديل ناس اصلا حرامية ومجرمين وبيقوموا بالأفعال دي كجزء من حياتهم الطبيعية وبعض الناس عندهم تفسيرات عنصرية عديل للقصة دي باعتبار انو بعض المجموعات بتتصف بامتهان السرقة كحالة ثقافية ، وأغلب المعالجات المطروحة بتنحو منحى أمني.
(اقبضوهم _ اعدموهم _ الناس تتسلح لمواجهة ال9 طويلة… الخ)
التوجه دا ظابط مع الجهة الاتسببت حقيقة في الظاهرة دي، اللهي الحكومة.
النظام الحاكم بسبب سياساتو الاقتصادية وصل الناس لمرحلة صعبة جدا فعليا اغلب السودانيين الكانو بيعيشو على المهن الهامشية والاقتصاديات غير المهيكلة الان خارج دائرة الأمان الغذائي (يعني الناس جاعت) ، والإنسان لما يجوع مستعد يعمل اي حاجة يقتل ويسرق وينهب.
هؤلاء الصبية ضحايا لسياسات الحكومة وبكرة القريبة دي اغلب القاعدين في الفيسبوك وعاملين فيها واعيين وراقيين ودعاة للضبط الأمني حيتحولو لتسعة طويلة.
