كتاب الناشط محمد البوشي(ود كوثر ) على صفحته الرسمية بفيسبوك معلقا على خطاب السيد مدير عام قوات الشرطة بخصوص دعوته للرجوع قانون النظام العام التماشي مع شعارات الثورة المجيدة قائلا :غايتو أناحسب راي الشخصي المتواضع الكيزان ديل يتبلو ويتدقو في الشوارع دق العيش مجرد ما يفكرو يرفعو يدهم علي كنداكه
..
انا بفتكر حملة قلة الادب بتاعة السوط الفاكنها كيزان الامن الشعبي ومهاويس هيئة العمليات واحده من حلقات مسلسل التخريب الهم شغالين فيهو بي يدينم وكرعينم لهدم الثوره الجباره الاقتلعت ملهم وقفلت منهم البلف
وعليه انا راي انو الموضوع ده نتعامل معاهو باقصي درجات الحسم
اصلووو ما نجامل فيهو
ومن هنا دعوتي لكل شباب الاحياء يتنظمو ويحومو في اي حته ويحرسو اخواتم وكنداكات البلد دي وكدي نشوف الراجل البدق كنداكاتنا ديل قدامنا منو
واقترح ان يتم تبني المشروع ده من لجان المقاومه بشكل رسمي
عشان نلجم الرمم ديل في حنانم زاتو
بلاش قلة ادب ياخي
الناس ديل اتجاوزو كل الحدود والله
يبقي يتبلو بس
انا طول عمري ضد العنف .. لكن
اولا ديل رمم ومادام بدو هم بالعنف يبقي يتبلو بس ويشوفو البل ال الله خلقو
تانيا كمان مادام مدير شرطة الخرطوم بيقول كلام غير مسؤول زي القالو ده يبقي الشرطه ما عايزه تتحمل مسؤليتا في ضبط الخارجين عن القانون بل كمان بتبرر ليهم من خلال كلام مدير شرطة الخرطوم لما قال ( مافي زول بدقوهو ساي) ..
تالتا لانو مافي منطق ولافي قانون بيدي زول حق يدق ليهو زول في الشارع مهما كان المبرر
لطالما في قانون ولطالما البت دي طلعت من بيتم وفي اسره مسؤله منها
يبقي الضابطين البيضبطو الشخص هم القانون والاسره
غير كده اي شخص تاني يتدخل ده ببقي تعدي وقلة ادب
وقلة الادب مفروض في اي بلد محترمه بتحسما الشرطه
ونحن مادام عندنا في بغض قادة الشرطه لسه عقليتم هي عقلية النظام الدكتاتوري السابق
يبقي نحن عبر الثوار نادب البقل ادبو
والحشاش يملا شبكتو
وارح
