متابعات/ الرائد نت
كتب Tarig Mackie على صفحته بالفيس بوك :
(الطفل اليتيم بائع الليمون بسوق نيالا يحرز 92.6 علمي وحلمو يدخل طب
الطفل دا اخ لتسعة اخوان وكلهم أيتام شغال في السوق بفرش ليمون شغال رزق اليوم باليوم حتى اخوانو الصغار فارشين بفرشو جنبو في ايام العطل علشان يصرف على اخوانو في البيت اخوانو كلهم شاطرين شديد اسرتو وضعهم اصعب من صعب
الكلام عن يطول عموما انتظروني معاهو في فيديو
ندا لكل الناس و فاعلين الخير خلونا نقيف مع عبدالرحمن عبدالرحمن ورماز كلهم نوابغ لكن ظروف الحياة خانتم)
وتفاعل رواد التواصل مع المنشور وكتب احدهم :
النجاح سمح وطعمة أجمل عندما يأتي من شخ مكافح أمثال هذا الشبل. ربنا يوفقك ويذيدك علم ويوفقك كمان وكمان
وعلق اخر :
جزاكم الله خير
بس في نقطة مهمة شديد
ليه كل المؤسسات الكبيرة اهتمت واتبنت اوائل الشهادة السودانية ديل ناس تعبوا واجتهدوا بمجهودم الخاص
طيب انتو ماتشجعوا الفئات البسيطة الواقفة في الشمس والاستوبات ببيعوا المناديل والليمون و و و …. مابتمشي مدارس بحثا عن الرزق ورزق اليوم باليوم وهم اطفال
وكما يقول عليهم المجتمع فاقد تربوي
ماتساهموا في دخولهم المدارس
ادفعوا ليهم الرسوم الدراسية
ابحثوا عن اهلهم وظفوهم ولو عمال نظافة حراسة مراسيل وغيرها
ليه الناس ما تتعاون مع ديل
كده البركة بتنزل في المال والاولاد
وبترفعوا البلاء في البلاد
ربنا يصلح حال العباد والبلاد.
الخرطوم : الصيحة
التعليقات مغلقة.