متابعات الرائد نت
أكتر حاجة مفزعة في الواقع ده إنو ما في عاقل بيطرح اي فكرة عن (إيقاف الدم) ..
الشي الواضح أن القوات الأمنية والعسكرية حسمت أمرها وهو إنهاء الاحتجاجات والتظاهرات بأي شكل كان، وبالتالي الطريق الح يمشي فيهو الشباب ياهو الدم والموت ..
العُقّال منهم ما ممكن تكونوا كحال الذين يساقون إلى الموت وهم ينظرون ..
شوفوا حجمكم وعددكم وقدرتكم على التغيير وخيارات التغيير المتاحة ووسائله الممكنة ، ما ياهو ما ممكن تقول لي طريقنا ياهو المواكب وفي المواكب ياهو ماشين القصر !
شوفوا قدرتكم على كسب قطاعات جديدة والسياسيين المتاحين الممكن تستعينوا بيهم ..
والله ما تشوفوا المنايح الطالقها الشعب السوداني وانا واحد منهم في الميديا ياهو حالنا بعد كل حدث
بعد فض الاعتصام والكان اكبر جريمة وابشعها في تاريخ السودان بايام او شهور الشعب ده كلو دخل في حالة تفاهة واسعة في قروبات الاكيل السوداني والسميع والسكير وجيل شنو وجيل شنو وكأنهم ما خرجوا من نكبة تاريخية ..
