متابعات/ الرائد نت
علق الناشط الحقوقي والمدون المشهور أ.إيهاب إبراهيم الجعلي على قرار حمدوك القاضي بتعيين مدير عام جديد لتلفزيون السودان وإقاله المدير السابق :
أنا أقترح نقفل التلفزيون ده لحد نهاية الفترة الانتقالية؛ لأنو والله صرف في الفاضي ساي، واليوم كلو شغال غُناء، والأغاني دي ذاتها قاعدة في اليوتيوب..
حتى أيام المواكب بتلقى العالم كله ناقل أخبارنا إلا تلفزيونا القومي مُشغل ليك الأغاني والطرب، وشوف مما تلقى فيهو غُنية (جدودنا زمان) البغنوها أعمامك الشنبهم كبير ديلك = أعرف في كفوى حصلت في البلد!
فمفروض من باب تقليل الصرف البذخي الحكومي نقفلو لأجل غير مسمى
تعرف؟!
كمية الأغاني السمعناها من تلفزيون السودان ده= تقعدنا 50 سنة لقدام..
50 سنة لقدام …
كفاية والله..
خلونا نقلبوا مستشفى كبير ولا مركز عزل ولا أي حاجة الناس تستفيد منها
ولا شنو يا جماعة؟
