متابعات/ الرائد نت
كتب الصحفي المثير للجدل عمار محمد آدم ابيات من الشعر مرفقا معها صورة الإعلامية لينا يعقوب مراسلة قناتي العربية والحدث على صفحته الرسمية بفيسبوك قائلا :
لابس كوبي..واصلك نوبي
تلهمني الشعر وفي روحي ديمة تذوبي
غنيتك فرح وبكيت عشان محبوبي
يارب ياكريم فرج عليا كروبي
ما عاشق الجمال الليلة يحمد ربو
لينا المن زمان زولا بيعرف دربو
مالگني الجمال ومن جوة قلبي بحبو
وين لينا العسل الحالي دايما شربو
الناس في (الحدث) عاقدين عليك النية
مالينا القرار واخبارها ديمة قوية
اقدل ياجميل أشعارنا ليكا هدية
شرفتي البلد والله مية المية
نيلنا يحي فيك بي لونو ابيض وازرق
الدهب الاصيل في النار يشع مابيحرق
وحدتي المشاعر يا لينا مابنتفرق
يوم لينا انبرت الشعب هلل وصفق
يااجمل مراسل شق الصفوف واتقدم
الزول الجعيص كارب اديب ومهندم
مليانات حروف وانا فيك كتير بتكلم
دا الراقي الفهيم علم كتير واتعلم
العام الجديد مالينا ساسو وراسو
وافتخر البلد والليلي دق نحاسو
يالينا الجمال مااصلو ناسك ناسو
والزمن المضي حب لينا فعلا داسو
جملتي الصحافة وطعمتي انتي مسيخنا
شرفتي (الحدث) وخلدتي في تاريخنا
الخدرة عندنا لون والخدرة زاتها طبيخنا
من شيخنا اللمين دعوات صلاح من شيخنا
ادبك ياجميل من جوة جوة غريقنا
النار ولعت ويالينا زدتي حريقنا
دايرين ننطلق وكيفن نشقوا طريقنا
عطشانين للجمال بي نظرة بللو ريقنا
ما اصلو الصحافة ميدان ونحنا لعيبة
لى هذي البلد خايفين تجيها مصيبة
يا زول ياسمح كل فرحة انت تجيبها
شوف لينا الجمال والله حاجة عجيبة
في شجر الكتابة روحي بترك زي طاير
عايش زول حزين زولا ممحن وحائر
تاريخي القديم بسدل عليهو ستائر
كت كوزا كبير ودارت علينا دوائر
مسلم وملتزم لكن بقدر عيسي
ومرات انسخط اشرب شويي مريسه
وكل مااشوفها لينا داير ابقي ياني عريسها
يا (الشيخ) الكنائس ضاقت على قسيسها
يوم لين اشرقت ماشفنا لونا باهت
انبلج الصباح ماب يبدي لونا غامت
في الحب والغرام داقرني حاقد وشامت
ياقلبي بتترتجف ما شفنا حالك ثابت
من الخرطوم شرق يمم تجاه ابقوتة
شوف لينا الجمال القنبلة الموقوتة
نحنا الفى القوافى ظاهرين ويانا شفوتها
والحب والغرام دي جريمتن مثبوتة
مالينا الذهب ذهبا اصيل ومجمر
قلبي انا فى الغرام زى الجدادى محمر
جاهز يا العذول جاهز كلاشى معمر
وان درت الدواس حتما يمين تدمر
ماكل زول محترم يالينا يصبح شاعر
والزول الجميل ما كلو حس ومشاعر
فى شعر الغزل يالينا فالح وشاطر
وان درتي الكرم بملاك شاى وسكاكر
