متابعات/ الرائد نت
كتب الصحفي عمار محمد آدم على صفحته بفيسبوك ابيات شعر وارفق معها صورة الإعلامية لينا يعقوب وجاء في الأبيات مايلي :
الحب يلهلب في القلوب
اصلو العيون اخطر سلاح
والحب في زمن الكرون
يازول مباح
والليل سهر والليل ارق
صاحي المحب راجي الصباح
لوكنت في عتمة وظلام
يالينا فجر الحب لاح
يالينا يأاروع قمر
والحب فتت للحجر
مالينا زي القمرة فوق
ما لينا كتلة حب وذوق
يفتر ثغرك ويبتسم
تتوحدي يالينا انتي وانقسم
قالولي ياعمار كفاك
قدام مخاطر وكمان وراك
وياني قاعد في البرش
اكتم هواك وانبرش
ارسم خطوطي وجارهن
شايلي تيمرات و صارهن
ان شفت شافعا في الطريق
بغمتلو تمرات في ايديي
يقولولي لازم تبتدي
ونار الغرام وبدت تحر
وآصلو حبك ولا زم تصر
لينا بتشد وانت بنجر
والدنيا بس دايري الصبر
كمين سنين مابين حياتك والقبر
انا قلت راييي ومابعيد
واكتب عشان لينا القصيد
مالينا في وجداني عيد
قرب يجي راس السنة
بس لينا ليا مجننة
يالينا ياالحبك كبس
واقفلو زى اروع حرس
عمك يمين دق الجرس
عمك كبير ونفسوا انحبس
قال لينا بس
وانا في رجاك.واتنخج
قالولي حمتي مابتفج
لينا الغرام لابد يعود
اصلو الجمال بالحب يجود
