متابعات/ الرائد نت
أعلن النشاط السياسي الشهير بـ هشكو عن تعرضه لسرقته في الشارع العام حيث أعلن عن ذلك بـ بوست في منصات التواصل الاجتماعي قائلا:
حدث قبل قليل
كبري المك نمر ، تنزل منو جهة الخرطوم ، امشي طوالي كأنك خاشي الخرطوم 2 ، آخر استوب ومنها الخرطوم 2 جنب السكة حديد حتلقو مرا واقعة و جنبها بتين بوقفو العربات نص الشارع بحجة انو المرا حامل ، قلت نعمل خير ، رفعتهم معاي أوديهم المستشفى ، طبعا لو قلت ليكم قالو لي ماشين مستشفى بشاير التعليمي الفي مايو حتقولو عنصري مش ؟
طيب قالو لي ماشين مستشفى بشاير التعليمي الفي مايو.
قلت خير ارح
لحدي ما استغليت اندياحهم في الونسة وسالتهم بسرعة الابو وين ؟
فاجابتني احدهم “مات” ، وقالت الاخرى “سافر”
هنا توقفت قليلا ، وطالبتهم بالنزول من العربية بحجة انو في حملة قدام وانا ما عندي رخصة
نزلو واتسرقت زي الترتيب
يلا ربنا يعوضنا
وعموما العايز يعمل خير يكون سايق بوكسي
ربنا يصلح حال البلد العدمت الناس الحيلة في الحلال ، ووسعت ليهم الحيلة بالحرام
التعليقات مغلقة.