متابعات/ الرائد نت
الكاتب الصحفي المثير للجدل أ.عمار محمد آدم يكتب قصيدة في عضو مجلس السيادة الانتقالي الفريق أول ركن شمس الدين الكباشي وهذا نص القصيدة:
كباشي القدل فوق البساط دا حبابو
وحباب الميري هيلو أداهو كل شبابو
غننلو البنات صاب القلوب نشابو
كرب القاش عديل وحبابو نصرو الجابو
غننلو البنات بت البدري وين زينوبة
زول ميري وأصيل قدامي ود النوبة
المطر التقيل ما بتحبسو الراكوبة
كباشي المسلح وعمارتو المصبوبة
وين عشة الجبل بكرة بتغني تقولو
الطلعوا القمم شفاتة ما بيدلو
الجيش ان كرب حالف عدوهو يذلوا
كباشي الشجر كل الوطن بيظلوا
كباشي العرض بت البدري كيف غناية
وفي الكباشي قول والله ما هو كفاية
ماسميع كلام ما وآشي جابلو وشاية
غني يامنال والقلعة فيها هناية
ميادة بتغني وكباشي يعرض فيها
دا الزول الصميم ومكانتو كيف ماليها
يارب يا كريم من النعم تديها
كباشي الصعب يمشي الجبال ويجيها
التعليقات مغلقة.