متابعات/ الرائد نت
اتهم نائب رئيس المجلس السيادي حميدتي الأجهزة الأمنية بالتواطؤ مع عصابات 9 طويلة، رغم قدرتها على حسمها في يومين، وامتلاكها لكشوفاتهم ومعرفة أفرادها وقياداتها.
واضاف حميدتي في معايدة حاكم اقليم دارفور مناوي بضاحية المهندسين بامدرمان امس :(في تغيير، لكن التغيير الناس ما رضيانين بيهو، ويجب أن يرضوا ويقبلوا بيهو.. ولو في خطأ تتم معالجته.. وحميدتي محله ده لو فيه خطأ، نشيلو منو ما متعلم ما عارف أيه)؛ واردف ( نجيب القوي الأمين، مافي أي مشكلة).
وزاد (في حتّات زمان كانت خط أحمر؛ مافي زول بجي فيها) وتساءل ( محلي ده زمان كان في زول بجي فيه؟)..
وقال :(الليلة لو نميري طلع لينا من القبر، بنجيبو نختو في الكرسي ده، ما عندنا أي مشكلة، لأنو كان زول كارب قاشه وكارب، وما كان البلد بمشي بالطريقة الماشة دي).
وتابع (البلد دي والله قنعنا منها.. بلد زي دي تمشي بنفاق ، واضاف(يجب أن نتصافى، هنالك أحزاب الآن لا تقابلنا، ما هو ذنبنا، تعالوا لو نحن غلطانين قولوا لينا انتو غلطانين، قولو لينا غلطانين في واحد واثنين وثلاثة، تعالوا ناقشونا، إنتو أحزاب ونحن ناس مساكين ساكت، إنتو المثقفين والفاهمين، وتنجروا، وفيكم من وصل التسعين سنة، تعالوا نتفاهم ونكشف الورق، ما تحمِّلونا المسؤوليةساكت.. والله كان رفعنا يدنا منكم الحِميض ينجض، أنا بوريكم النصيحة).
وقال حميدتي : زمن البشير ما كان في ٩ طويلة ، فلماذا الانتشار اليوم والأجهزة كلها بتعرفم ولديها قوائمهم فلان الفلاني وعلان العلاني.
نقلا عن صحيفة الجريدة
التعليقات مغلقة.