متابعات/الرائد نت
انتشرت صور مستشار المليشيا يوسف عزت داخل استوديوهات الإذاعة لتلاوة بيان استلام مليشيا الدعم السريع للسلطة صبيحة ١٥ أبريل ووجدت سخرية واسعة على منصات التواصل الاجتماعي.
حيث كتب الصحفي عزمي عبد الرازق قائلا: مأساة يوسف عزت ليست في فشله في إذاعة البيان الأول فحسب، ولكنها في عدم تفريقه بين استوديوهات الإذاعة من التلفزيون، وفشله في تعطيل كاميرات التصوير والمراقبة، وفي طريقته العشوائية في اللبس، هسه دا منظر مستشار ممكن ينجح ليه انقلاب؟!.
وكتبت الاعلامية تغريد على صفحتها بفيسبوك : شفتو الناس ديل كانو واثقين قدر شنو في إنهم ح يسيطرو على الخرطوم؟ دا أكبر دليل يوسف عزت من داخل الكنترول سجل شنو و هبب شنو بنعرفا بكره ان شاءالله،بالله عليكم دا جيش بتداوس؟ بالله عليكم دا جيش ما ندعمو؟ بالله عليكم دا جيش نخذلو؟فشل المخطط من أول لحظة والفضل أولاً برجع لله سبحانه وتعال ثم ليقظة الجيش و بسالة الحرس الرئيسي.
وكتب الناشط ود البروف قائلا : يوسف عزت لقيتني كيف؟ .. قال امي صحتني قالت لي قوم في انقلاب.
وكتب الناشط شاكر قائلا: وتاني نسأل .. البخلي يوسف عزت يتواجد في الإذاعة لحظة بداية الحرب شنو زول قاعد جوه الإذاعة والتلفزيون وماسك البيان في يده ويقول ليك الحرب بدأها علي كرتي.
يعني الدعم السريع اتفاجأ بإنو في حرب ضدو ولقى روحو مسيطر على القيادة والقصر والملاحة الجوية والقواعد العسكرية ودمر الطيران الحربي في مروي والأبيض والخرطوم وباقي ليه يقتل او يعتقل قائد الأركان وقائد الجيش ويعلن بيان استلام السلطة بحسب مازعم قائد المليشيا حميدتي.
التعليقات مغلقة.